Lia

Nues de muttos de gosu e dolore
current altas in chelos de ammentu
de sos bolos in tempus benidore
che alas de puzones contrabbentu.

De sulu in sulu in isettu ‘e frina
e in disizu de rattos a nidare
s’isterrida in boghe ‘e cardeglina
est torrada ‘e tenore a ispantare.

E fit beranu, appoi, donzi istajone
in temporadas e fremida ‘e cria
semper ampàru, amore e divotzione
su chi cherìmis dae sa vida, ebbia.

Como pasant in bratzos a s’Eternu
istimadas alas tuas ch’in tristura
sas nostras ant faladu a s’internu
de longas silenas umbras de amargùra.

Traduzione dalla Lingua Sarda

Nubi di versi e ricordo

Nubi di versi di gioia e dolore
volano alte nei cieli del ricordo
di voli nel futuro
come ali d’uccelli controvento.

Di soffio in soffio in attesa di brezze
- rami, desiderando, per i nidi -
la distesa in voce di cardellino
fu stupore di strofe da tenore.

E ogni stagione, poi, fu primavera
nelle tempeste e fremiti di cova:
riparo, amore e devozione sempre
solo questo chiedevamo alla vita.

Ma ora riposano nelle braccia dell’Eterno
le amate tue ali e le nostre, le mie
nella tristezza sostano
e nelle lunghe e silenziose ombre d’amarezza.