Visitatori in 24 ore: 8’774
622 persone sono online
Lettori online: 622
Ieri pubblicate 23 poesie e scritti 35 commenti.
Poesie pubblicate: 360’051Autori attivi: 7’490
Gli ultimi 5 iscritti: Mannino Nunziata - caterina canavosio - Pasquale Caputo - Alma7Spes3Gioia - Georgia
|
_
eBook italiani a € 0,99: ebook pubblicati con la massima cura e messi in vendita con il prezzo minore possibile per renderli accessibile a tutti.
I Ching: consulta gratuitamente il millenario oracolo cinese.
Confessioni: trovare amicizia e amore, annunci e lettere.
Farmaci generici Guida contro le truffe sui farmaci generici.
Xenical per dimagrire in modo sicuro ed efficace.
Glossario informatico: sigle, acronimi e termini informatici, spiegati in modo semplice ma completo, per comprendere libri, manuali, libretti di istruzioni, riviste e recensioni.
Guida eBook: Guida agli eBook ed agli eBook reader. Caratteristiche tecniche, schede ed analisi |
|
Tant’ anne fà, vuie nun v’allicurdáte e io...
nun saccio manco chilli tièmpe còmme li chiammate,
io... stève sulo, attuórno a mme nce stèvene nu sacco de pantane
e ll’aria, era chiena de tafàne
‘nziéme a ciérte animale gruósse e strane,
ca me saglievano ‘ncuóllo, a raspà ‘e ràme,
de la foresta mia mediterranea.
Pure ‘o lióne, me girava attuórno
pecché ccà ‘ncòppa truvava da magnà primmo e cuntuórno.
Madonna! Si ce pienzo che tristezza,
me ne stevo sulo dint ‘a sta chiàna,
cu l’aucielle, ca vulavano ‘a migliara,
mentre io facevo ‘e nuttatelle chiare...
Ovèro, ca ‘o Patatèrno m’aviva piazzato ‘a nu bellu posto
e ca era assaje bello lu guardàrse attuòrno,
nu mare argiento e tanta cose ‘e grande qualità
ca la storia ve sta ancora a’ raccuntà!
Ma io c’aggio tenuto e tengo ancora "‘o ffuoco ‘mpont’ ‘o musso",
pe forze ‘e cose, ogne tanto m’ aggio fa venì na mossa!
Pecché? Pecché maie me stanco e maie me sazio,
so’ nato buono e pure disgraziato,
ogne tanto aggia dà na scutuliàta,
modificanno ‘o sito e la guardata!
Nun ero felice... nun putevo essere contento,
io stevo sulo,
‘e nun sapevo, cómme avevo passa’ ‘o tiémpo,
brutta è la solitudine,
perciò pure si stèvo
tra ‘o mare azzurro e la verde campagna
svettavo sulo, senza na cumpagna.
Accussì, na bella matina,
facette o pandemonio, e arrevutáie tutt’ ‘o circondario,
Madonna che fuja fuja ca cumbinaie,
‘o tiémpo quase ‘e bótta se cagnaie
e ‘o celeste cielo tutto se scurette,
’o mare, s’aizaie in tutta fretta
e n’onna ‘ncopp’ ‘a terra se rumpette,
facenne uaje assaie, cchiù ’e mille saette.
Pecché? Pecché nu colpo e tosse, embè facette
e lanciaie ‘ncielo, cennere e lapille,
ca’ fujevano uommene e’ animale a mille a mille!
Dopp’ nu sacco 'e tiémpo po’, sapetté,
ca tutte li prète ca ‘ncielo avevo sparato,
assàje luntano erano arrivate,
cuglienne nun saccio quanta site ‘e stu paese,
arrivanno... fino a’ Eboli e Telese.
Ma c’aggia fa’, de restà sulo, m’ero proprie scucciato,
perciò facette a tè " Muntagna ‘e Somma mia! "
Sulo cu pregie e manco nu difietto,
ca guardannete, pruvavo e provo gran diletto,
sì... e próprio, cómme ‘a tutte ‘e coppie ‘e chistu munno,
simme diverse tu sì tagliènte, mentre io, so’ ‘a cono, tunno!
Si! ... che me vuò dì? ‘O saccio!
Ca tante n’aggio fatte e truculiate
e caccheduna nun v’allicurdate,
ma pure doppo nel settantanove
a’ ‘e pompeane e’ jette a rómpe ll’ove,
cummigliannele ‘a città,
tanto ca nu piezzo, ancora nun se trova!
Chesta fuie cchiù forte, tremmaje tutta la Campania
scassànno Nucera ed Ercolano;
m’allicordo, ca migliare ce ne murettero animale
e persone p’ ‘a cennere e lapille ca lanzaj
e cchiù lu gass, ca ll’aria attuòrno s’inquinaie...
Plinio il senior, là de rimpette mmiez’ ‘o mare appustiato,
‘ncòpp’a na triremo arreparato,
‘o spettaculo tutto s’ ‘o guardaie,
da viecchio curiosone o giornalista,
comme ogge vuie a chiste li chiammate!
Tutto mettette buóno, buóno per iscritto,
facennelo arrivà ogge ai letterati,
ca ‘mparavano a’ guagliune lu latino,
e chistu fatto ‘o cuntano dint’ ‘‘e scole ogni matina.
Ma doppo d’avè scritto la notizia ‘o sfurtunato,
‘a pelle ce pusaie avvelenato,
pe’ lu gas ca’ l’avevo io mannato!
(Campania infelix stamane! Perché il Vesuvio dopo pochi anni, di nuovo s'è svegliato, procurando svariati danni e pur’anco immani agli abitanti di tutto il vesuviano!)
dice nu proverbio antico "Questa è la zita e Sabella se chiámma"!
Ma c’aggia fa’, vulcano io songo e VESUVIO me chiammo
e ogge comm’aiere, io... ‘o faccio sultanto pe’ mestiere,
’o fuoco, aggio ‘a lanzà di tanto in tanto,
perciò so’ guappo e v’ata levà ‘a ‘nanze.
Fesse so’chille ca pe’ buòno guardàrse ‘o panorama,
‘ncòpp’ ‘a panza mia se fanno ‘a villa, senza s’allicurdà! ...
Uè chi songo io? (Ca io so’ de nisciuno, ca so’ sultanto ‘o mio! )
Ca so’ dulúre ‘e stómmaco e de panza,
si a mme me vène a fréve? ... Manco de criànza!
Chiste so’ scième uè nun hanno capito quanta distruzione
po’ dà ogni mumento una mia eruzione,
chiste so’ tuoste e so’ talmente tuoste,
ca da sempe se scordano ‘e lezione
e ca’ lo Vesuvio è nu buonu capuriòne.
Ovèro ca da ccà ‘o panorama è troppo bello
e Neapolis è ‘o paese de lu sole,
e ca ‘ ‘o frisco ncòpp’ ‘addu mè,
se fa cchiù bbuono l’ammóre
e ca la luna ccà tene natu chiarore
pirciò lassàte chistu posto al naturale
nun me scavate, nun me facite male.
Nun v’ ‘o scurdate nun ve scurdate maje,
ca’, addu me la scossa po’ essere accumpagnata
da na bótta de ciento e ciento bomme
e ca putarria essere assàje forte
e ca cu ‘o Vesuvio n’accumpagnate
pecché isso po’ accumpagna’ alla morte?
‘O saccio, ca la cosa nun ve piace,
ma sapite buóno ca chi pazzea co’ ffuoco,
‘e mmano se po’ coce!
Turnammo a tè Muntagna ‘e Somma mia,
tu ca me staie vicino, a farme compagnia,
sì bella assaje perciò, mo’ si’ ‘a vita mia!
Ma tu ce piènze che ce firàmmo ‘e fa’, mo’ tutte e duje?
Meliune ‘e cartoline, meliune ‘e fotografie,
meliune ‘e verse pe poesie,
meliune e quadre cu tutte li culure,
uè simmo visitate da nu sacco de signure,
ca veneno fino ‘a ccà da tutto ‘o munno
e spenneno pe nuje sorde a zeffunno.
E mentre ‘a terra gira notte e juorne,
te può sentì luntano ‘o canto ‘e na canzone
" ‘O sole mio", "Funiculì e funiculà"
e tant’ati mutive belle si te vuò appezzà.
Nun te scurdà cara cumpagna ca li gente noste
vivono anche di folklore e tammurriate
cu cante suone e belli ballate
e ca forte ne può sentì ‘o calore,
ca’ sti figlie ‘e mamme fanno ‘a tutte ll’ore!
Devi sapè ca de nuie duie se ne parla assaie
e pe tutt’ ‘o munno, pecché nuie...
simmo l’icòna, ‘a cartolina e Napule
ca resta dint all’uocchie de furèste
ca primma de partì pe case lloro
scrivono agli amici assje cuntente
"Napùle! Nun l’ ‘e visto nun le vist’ancora?
Viène! ... "Ca vide Napùle e po’ muore! ".
Devi anche sapere, oh mia compagna
ca si nc’dessero e diritte d’autore,
nuie fusseme ricche assaje, comm’ ‘a miniera d’oro
pecché quanta denare in SIAE trasessero ‘a tutt’ore!
Ma qua Bill Gates o Paperone,
nuie ll’euro e tenessemo a meliarde,
mettennece sti signure dint’ ‘o sacchino,
putesseme essere, la luce del mattino,
pe’ mascule viècchie femmene e bambini
nuie putessemo da ‘a campà cchiù mmièzu munno,
facenno magnà buóno tanta gente,
cosa ca, tutte e cummannanne all’ONU mise,
nun fanno avè alli poveri, forse, manco na cammisa.
Vide nu poco comme stanne ‘e fatte?
‘Ncuollo a nuie ne diceno buscìe
ca’ pure ‘e televisione ogge so’ cuntorte,
quanno dicene ca ‘e vulcani so’ ‘e fetiente,
pecché quanno se scemano fanno danni ingenti,
e ca danno ‘a morte,
ma nun diceno uommene ausate li cervelle,
‘e stateve cchiù accuorte!
Forse cu mmico sarrà ovèro! ... Ma no cu te cumpagna mia!
‘O sanno ca tù si’ ‘a muntagnella fresca,
ca tu si chiena de verde e de catalanésca
e sotto ‘e piante toje se po’ sta allèra e o’ frisco,
si portèno cu lloro nu fiasco ‘e vino e nu panino cu ‘a ventresca?
Tutte e juorne avè nu poco de tre maggio, tenè nu poco ‘e festa dint’ ‘o core,
campànno cchiù ‘a cuntatto cu ‘a natura, sunanno ciaramelle e puti pù
‘e fa’ cchiù allèro ‘o suono de' tammorre
p' arrecrià cu cante e ballo senza sosta,
purtannese ceste de magnà ‘e chesta posta.
Madonna, quanta feste se fanno ‘ncuoll’ ‘a mme,
‘o saccio so’ tutte ‘e tradizione, e vuie l’ata vedè.
Venite ‘alla Annunziata ‘a Torre p’ ‘a Madonna ‘a neve!
Venite ‘e Vagne pe ve levà ‘a frève
ca la Signora ‘e figlie suoie ‘e vò bbene,
venite a Somma pe' la Candelora
addò se prega e chiagne cu dolore.
Si po’ ve vulisseve ‘mbriacà o vivere sultanto nu bicchiere ‘e vino,
jate là proprio ‘a Terzigno in villa Fabbrocino,
addò ancor’ ‘ogge ‘e viecchie contadine
dint’ ‘a nu chirchio abballano cu ‘e nonnine.
Questo in onore alla tua Mamma bella,
chella ca vuie chiammate ‘a Somma, Madonna de Castello.
Nennè ca ‘ncuollo ‘a mme,
s’avarria da spannere lu mantiello
obbì,
vulesse ‘nzième a te truvà la pace, e lava cchiù nun caccià,
pecché ella coce, però... nu pennacchio vulesse avè in eterno,
pe lo piacere e ‘o gulio della gente, ca guardanno l’aurora da’ matina,
vedessero chesta Napule... sempe comm’ ‘a n’eterna cartulina! | |
|
|
Opera pubblicata ai sensi della Legge 22 aprile 1941 n. 633, Capo IV, Sezione II, e sue modificazioni. Ne è vietata qualsiasi riproduzione, totale o parziale, nonché qualsiasi utilizzazione in qualunque forma, senza l'autorizzazione dell'Autore.
La riproduzione, anche parziale, senza l'autorizzazione dell'Autore è punita con le sanzioni previste dagli art. 171 e 171-ter della suddetta Legge.
«pe' me stutà stu fuoco ‘a Masaniello.
Cumpagna mia! T’ ‘o giuro, pròpio mo’ PERMETTETE? SO' ‘O VESUVIO!
(Versi scherzosi)» |
|
| Non ci sono messaggi in bacheca. |
|
|
|
Lista delle poesie
Poesie a tema
Poesie di oggi
Le parole nelle poesie
Albo d'oro
Poesie in esclusiva
Poesie Creative Commons
Poesie multimediali
Raccolte di poesie
Poesie del Club
Poesie dei Soci Sostenitori
Poesie in lingua
Una poesia a caso
I concorsi di Scrivere
Le biografie
Autore del giorno
Autore della settimana
Autori del Club
Giovani autori
Nuovi autori
Regolamento del sito
Le FAQ del sito
Gedichte in Deutsch
Poems in English
Poemas en Español
Poèmes en Français
Poemas em Português
Poezii în Românesc
Poezi ne Shqip
Rime scelte
Parole del cuore
ErosPoesia
Poesia Nuova
Donne Moderne
Portfolio poetico
Vi sono online 1 membri del Comitato di lettura
€ 0,99
Successiva
Condividi: